24 Maiu 2012
 |
| Yes, we can do it! |
Radio, online – Sosiedade sivil, husi
Indonezia Koalisi Perempuan Indonezia (KPI) durante loron rua nia laran
hahu 23-24 de Maiu halao treinamentu ba feto iha Partido Politiku
(Parpol) atu sai lideransa iha parpol nia laran. Treinamentu ne’e halao
salaun Fundasaun Alola, Mascahrenhas.
Diretora Caucus, Julieta da Silva
dehan, objetivu hosi treinamentu ne’e atu hasae no reforsa kandidata
feto sira nia koinesmentu no kapasidade hodi bele dezenvolve programa
lidership ne’ebe ho kualidade no responsabilidade iha vida politika.
Alende ne’e mos oinsa feto sira bele sai lider diak ba futuru iha
eleisaun lejislativu.
“Treinamentu atu ita nia feto maluk sira
bele aumenta koinesimentu wainhira kampana iha eleisaun lejislativa no
oinsa representa feto iha parlamentu nasional,”dehan Julieta.
Treinemntu ne’e servisu hamutuk ho
nasaun lima no Timor Leste rasik mak Caucus, KPI hosi Indonezia, Empawer
hosi Malazya, CPI hosi Filipina nomos hosi Kambodia. Feto Partido
Politiku mak tuir treinamentu ne’e hamutuk 32 pessoas, ne’ebe mak
rejistu iha tribunal rekursu.
Treinamentu ne’e hetan suporta hosi
USaid, Amerika nian, maibe sira Indonezia suporta nasaun lima ne’e hodi
halo atividade iha 2011 ate 2014.
Iha fatin hanesan, Programa Officer hosi
Kemitraan KPI, Agung Wasono (Partnership for Governance Reform) hateten
oinsa ita atu hasae no dezenvolve feto iha vida politika liu hosi
treinamentu lidership.
“Reprezentante feto ne’ebe agora dadaaun
atu tama iha ezekutivu tan ida ne’e mak hosi KPI fo treinamentu
Lidership para atu sai lider ida ne’ebe dia” dehan Agung.
Tuir treinamentu ne’e feto ne’ebe
kandidata-an iha eleisaun lejislativu no wainhira sai eleitu ita bele
akompana sira nafatin iha lejislasaun.
Joana M. Trindade hosi Kandidatura
partidu Republikanu dehan, wainhira tuir treinamentu ne’e gosta
teb-tebes tanba bele fo esperiensia no kapasita kandidatu feto iha vida
politika wainhira atu sai lideransa ida iha vida politika.
RLDonline
Sem comentários:
Enviar um comentário