Loading...

sexta-feira, 25 de maio de 2012

Grupu Feto Ainaro Husu Governu Tau Matan ba Produtu Lokal

AINARO

STL, 25 Maiu 2012
 
Ainaro Timor Leste
Grupu Feto Suku Ainaro, Sub-Distritu Ainaro, husu governu tau matan ba produsaun nebe sira produs. Dala wain Menistro Turismu Comerciu Industria (MTCI), Gil Alves komenta katak, esforsu governu liu husi MTCI sei tau matan ba produtu local nebe produs husi grupu feto. Maibe realidade nebe grupu feto Suku Ainaro infrenta oin seluk.  Produtu nebe sira produs hanesan, soru tais, homan lafatin, biti, bote no sasan sira seluk tan laiha ema ruma hakarak sosa produtu hirak nee. Kestaun nee hatoo husi Xefi Gurupu Feto Suku Ainaro, Marina de Araujo ba STL iha Ainaro, tempo hirak liuba.

Mariana hatete, durante ne’e sasan nebe sira produs ho modelu oi-oin maibe rai hela deit uma, tamba laiha fatin ruma nebe subsiente iha merkado para fasilita sira atu tau sasan hirak nee hodi  fan, nune’e ema mai husi rai liur bele hatene hodi sosa, Mariana hatete.

Nia rekuinese katak, dala barak governu loke feira iha Dili” ami hodi duni produtu hirak nee ba amostra liu husi feira nebe refere, iha neba ema sosa duni, maibe lahotu lori fila mai rai deit iha ida-idak nia uma, bainhira iha fali feira ruma mak foin halibur hikas fali sasan hirak nee hodi ba amostra iha feiras, “tenik Mariana.   
     
“Hau sujere liu sebele governu liu husi MTCI kria programa loke netik feira iha ami nian distritu, atu nunee bele fasilita populasaun Ainaro amostra netik produtu local nebe iha inklui amostra rejultado produsaun grupu feto,”susere Mariana.     

Kestaun hanesan  hato’o husi Grupu Feto Haburas Rai Glegalidu, Manuela Sarmento katak, bainhira iha feiras (pameran) ruma iha Dili Governu Nasional bele fo hatene’e ba grupu feto sira bele tuir hotu, nune’e bele halo konpetisaun ho grupu feto sira seluk, nune’e sira bele produs produtu local hanesan homan no seluk seluk bele diak liutan, Manuela afirma.

Alende ne’e Martinha de Araujo realsa, governu presiza tau importansia ba grupu feto sira ne’ebe mak produs produtu local hanesan soru  tais, homan lafatik, luhu no seluk seluk, atu nune’e bele hamoris liu sira nia kreatividade bele sai diak liu, Martinha salienta. cax

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS