Loading...

quarta-feira, 11 de abril de 2012

Ana Paula Martins “Tauk Hasoru Problema?. See Mak Tauk...!”

ITA moris iha mundu, ita hanesan ema lao rai (peregrinasaun). Peregrina hahu bainhira ita hahu rona “asu lian-manu lian” (moris). Mundu peregrinasaun nee sempre nakonu ho problema. Ita nia vida tomak serba problema. Laiha ema ida mak livre husi problema.

Prujemplu konkreta hanesan: atu han, ita tenki te’in, hakarak hatais diak ita tenki sosa roupa foun, hakarak hetan osan tenki servisu, hakarak hetan futuru diak ita tenki eskola no estudu maka’as, nst...!. Buat hotu realidade. Ita sei la ses husi realidade.

Experiensia hatudu katak, ema barak tauk hasoru problema. Hakarak halai ses husi realidade. Ninia hakarak, hakarak moris iha “mundu mehi”, ne’ebe mehi deit, buat hotu iha. Dala ida tan, mundu peregrinasaun ema nian laos mundu mehi, maibe realidade vida ita ema nian.

Ana Paula Martins Ximenes Linu la rekonese saida maka mundu mehi. Ita nia feto maluk ida nee, iha ninia prinsipiu rasik oinsa maneja ninia vida. Oinsa hasoru problema. Iha ninia hanoin tomak, Ximenes Liu la hatene tauk. Sempre hatudu aten brani hasoru problema. Hasoru problema sadeit, ninia kakutak la kiak hanoin buka solusaun. Nia sempre buka dalan, para manan tiha problema ne’ebe nia hasoru. I nia hatene katak, nudar ema kriatura, ita sei la ses husi ita nia vida. “Problema sempre mosu husi ita ema, i ita duni maka tenki rezolve. Ida nee hau nia prinsipiu, i hau nunka tauk hasoru problema,” hateten Ximenes Linu.

Feto maluk bonita ne’e, ninia naran kompletu, Ana Paula Martins Ximenes Linu, moris iha Dili, dia 25 Fevereiru 1971. Nia oan ba dala-4 husi maun alin nain 14 (feto 9, mane 5), aifuan domin husi Juaquim Martins Ximenes Linu no Eliza Amaral.

Uluk sei ki’ik, Ximenes Linu hakarak tebes atu sai Forsa Armada no Policia. Maibe mehi ne’e la realiza. Ikus mai, sai lideransa komunitaria. Nia eleitu nudar Xefi Aldea Mate Lahotu Comoro. Maske feto maibe ninia vokasaun ba duni lideransa. Iha maturidade kapas, iha kapasidade diak hodi sai lideransa. Lakohi lakon ho mane sira.
Tempo ninia idade halo tinan 12, Ximenes Linu, tuir ninia tiun ba hela iha Jakarta (Indonesia). Iha tempo ne’eba, nia hasoru problema barak tanba hela ho tiu no laiha inan no aman kompletu tanba wainhira halo tinan ida ho balun nia aman husik hela mundu ba hamutuk ho aman maromak maibe nia rasik esforsu an hodi hadia nia moris maske hanesan feto.

Wainhira sai hosi eskola Ana Paula tenke matenek atu fahe tempo hanesan estuda halo servisu uma laran no tuir aktividade desportu balu hanesan halai maratona no hi’it besi, tuir nia katak tuir desportu hanesan halai maratona no hi’it besi ne’e mai hosi nia inisiativa rasik no nia rasik susesu no hetan juara 1 dala 3, juara 2 dala 1 no juara 3 dala 2 iha eventu Serkuit Se Jawa iha tinan 1984-1986.

Ana Paula sente kontente tebes iha tempo ne’eba tanba hetan permeiru lugar iha halai maratona no hi’it besi maibe ida ne’ebe halo niab triste liu iha tempo ne’eba mak la hetan suporta hosi familia rasik maibe nia kontinua haka’as an no hetan suporta hosi kolega sira.

“wainhira tuir desportu hirak ne’e laiha ema ida mak suporta hau, hau rasik mak iha inisiativa hodi tuir desportu hirak ne’e maibe buat hotu lao ho diak tanba wainhira tuir hanesan halai maratona no hi’it besi hau hetan juara 1 dala 3, juara 2 dala 1 no juara 3 dala 2 maibe hau triste tebes tanba hau nia familia rasik la suporta hau maibe hau hetan suporta hosi kolega sira,” hateten Ana Paula.

Depois mosu krize iha tinan 1999 wainhira Timor Leste rona nia rejultadu katak ukun an situasaun komesa manan no Ana Paula hamutuk ho nia familia halai ba salva an iha Australia, iha Australia Ana Mos tuir formasaun Military nian durante tinan ida.
“Iha tinan 1999 hanesan ema hotu hatene katak situasaun komesa manas ona tanba rona ona rejultadu katak TL ukun an ona no ami halai ba salva an iha nasaun Australia iha ne’eba hau mos tuir formasaun Military nian durante tinan ida nia laran.

Depois fila mai Timor, iha tinan 2009, Ana Paula mos compete ho mane sira iha elisaun suku nian hodi nune’e nia eleitu sai hanesan Sefe Aldea hodi halakon mane maluk seluk iha Aldeia Mate lahotu Comoro.

“Hau hakarak sai Sefe Aldeia laos atu buka osan no naran maibe hau sai sefe aldeia atu kapasita hau nia an rasik hodi dezenvolve iha hau nia aldea no suku laran tanba sei ki’I iha mehi atu sai Tentara no polisia maibe ikus mai sai tiha sefe aldea hau sente hau nia khakarak ne’e tercapai ona apa lagi sai sefe aldeia iha area Comoro tanba ema barak mak tauk no hateten katak Comoro ne’e fatin konflitu maibe maske feto hau nunka hakfodak ho problema saida deit tanba hau iha maneira rasik hodi rejolve,” dehan Ana Paula.

Durante sai hanesan lideransa local iha Aldea Mate Lahotu tuir Ana Paula katak, iha problema barak mak nia hasoru tanba iha fulan hirak kotuk liu ba iha Aldea Mate Lahotu sempre mosu konflitu entre joventude sira maibe maske hanesan feto nia rasik nunka tauk hodi hasoru problema hirak ne’e maske problema ne’e mosu iha tempo kalan ou loron nia kontinua fera ulun hodi buka solusau atu rejolve problema hirak ne’e ikus mai nia rejultadu mak povu hotu moris hakmatek no hadame malu.

“Hau nia prinsip mak sai lideransa local nunka iha lia fuan tauk iha hau nia fuan tanba tauk ne’e hamate ita nia nia fiar an tanba wainhira ita hamrik iha lia los ital abele tauk problema saida deit mak ita hasoru wainhira atu rejolve problema ida permeiru hau tenke besik ba hau nia komonidade sira halibur sira hodi halo dialogu atu buka nia solusaun no kopera hamutuk ho parte hotu-hotu maske hetan ameasa barak hosi ema balu liu hosi telfone maibe hau nunka hakfodak ho ameasa sira ne’e tanba wainhira ita hamrik iha lia los ital abele hakfodak ho buta hotu,”.

Kaben hosi, Jose Tilman de Fatima ne’e mos hatutan husu ba maluk sira liu-liu inan feton sira atu labele tauk ou halai ses hosi problema ruma wainhira hamrik iha lia los maske hanesan feto tenke barani no hatudu ba ema hotu liu-liu ita nia mane maluk sira katak feto mos iha kapasidade, feto mos bele sai lideransa, no feto mos iha direitu hanesan mane maluk sira tanba ne’e nia husu ba feto maluk sira atu haka’as an hodi partisipa iha vida politika hodi dezenvolve nasaun nurak ida ne’e.

No nia mos husu ba joventude sira atu kopera hamutuk ho sira nia lideransa sira wainhira mosu problema hodinune’e bele rejolve problema ne’ebe mak ita hasoru no haluha hotu buat ne’ebe mak pasadu hodi hateke ba oin. thomas sanches

Fonte: STL, 09 Abril 2012

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS