Loading...

quarta-feira, 7 de dezembro de 2011

Ho Feto Nia Lideransa Lori Ita Ba Paz no Estabilidade

Radio, online - Komisaun Organizadora ba programa Hakbi’it lideransa feto no partisipasaun iha eleisaun 2012 halao konferensia nasional durante loron rua ho Tema” Ho Feto nia Lideransa Lori Ita Ba Paz no Estabilidade.

Konferensia ne'e halao iha salaun Delta Nova Comoro Segunda, (6/12). Objetivu husi Konferensia nasional ne’e atu identifika no kompila nia areas prioridades, estrategia no atividades ba halo planu estrategiku diak ida hodi apoiu autor sira no intidades nia servisu hodi hakbi’it lideransa feto partisipasaun iha eleisaun 2012 iha Timor leste.

Presidente Grupo Mulhreres Parlamentar Timor Leste (GMPTL), Josefa Pereira hateten katak, konfrensia nasional ne'e rezultado husi prosesu ne'ebe hahu husi workshop nasional atu promove lideransa partisipasaun feto iha eleisaun 2012 ne'ebe halao liu tiha iha loron dia 7-8 Novembru.

Josefa hatutan, konfrensia nasional loron rua ne'e hodi deskuti estrategia,atu aumenta partisipasaun feto iha eleisaun 2012 nune'e mos sira atu kandidata sira nia an no sira mos bele ezerse direitu votu nian.

Deputado ne'e afirma katak, alende deskuti estrategia partisipasaun sira mos bele debate dezafiu, problemas, difikuldade ne'ebe feto sira hetan atu bele partisipa iha vida politika.

“Problema barak ami identifika hanesan la iha osan ou votasaun finanseira ba parpol sira atu kapasita feto sira no difikuldade ida mos ne'ebe ami hetan susar tebes atu identifka kandidata potensias ba parpol sira,”Josefa konfsa.

Reprezentante espesial UNMIT Ameerah Haq iha ninia deskursu hateten katak,nia sente kontente atu partisipa konfrensia nasional kona ba hadia feto nia lideransa no partisipasaun iha eleisaun 2012 .

Ameraah hateten katak, servisu atu haforsa lideransa feto iha timor leste ba vida politika nudar buat ida ne'ebe ita halibur husi sosiedade sivil.no mos nia sente kontente rona noticia katak feto husi parpol 22 asina ona plataforma politika ida ba elisaun 2012 ida ne'e hanesan fo sinal importante ba unidade objetivu .

Konferensia nasional ne’e hetan partisipa husi Sekretariu Estado Conselho Ministro, Ministro Agrikultura, Representante Parlamentu Nasional Feto Partido Politikus sira, NGO Nasional Internasional, Rede Feto, CNE, Xefi Sukus no sosiedade sivil. RLD

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS