Radio, online - Feto klosan ida ho idade sanulu resin hitu (17) ho inisial MM iha Tersa kalan, (4/10) mate tamba tara a’an iha ai mahoni leten ho tali rafia iha bairo Kiupeno , Suco Naimeco sub-distritu, Pante Macasar, Distritu Oe-cusse.
Komandante Interino PNTL Distritu Oe-Cusse Asistente Superintendente Polisia Albino Mouzinho hato'o informasaun ba jornalistas iha nia knar fatin Kuarta, (5/9). Informasau ne'e radio liberdade asesu husi radio komunidade Atoni Lifau.
Hatan ba kausa prinsipal husi akontesementu ne’e Komandante ne’e seidauk bele fo imformasaun detailhu tamba sei iha prosesu investigasaun nia laran.
Diretur Hospital Referal Oe-Cusse Maximiano Neno rekoinese katak, sira nia parte simu ona mate isin hodi sub-mete iha prosesu autopsia.
Tuir informasaun espalha katak, vitima ne’e ba festa ida iha Kiupeno la fo hatene nia namorada, depois nia namorada ne’e mos ba festa hetan vitima. Tanba ba festa la fo hatene ba malu, vitima nia namorada fo kedan novidade hakotu domin (putus cinta-red). Kauza husi ne’e vitima ne'ebe ho idade sei idade ki'ik hanoin la hatena hodi hakotu nia vida ho tali rafia.
Entertantu tuir informasaun ne'ebe maka ekipa Jornalista RCAL rekolha husi ffamilia balun hateten katak sei duvida ho akontesementu tamba sira nia parte oferese mate isin hodi halo autopsia para bele hetan evidensia ne'ebe forte.
RLD
Sem comentários:
Enviar um comentário