Loading...

sábado, 13 de agosto de 2011

Problema Fen-Laen Hahuu Husi Cristo Rei, Lori Too Tribunal

DILI - Iha loron hirak liu ba, Tribunal Distitu Dili tenta rezolve kazu, nebee involve fen-laen. Vitima ba kazu nee naran Diana Neves, nudar membru polisia husi Corpu Siguransa Pessoal (CSP). Entretantu arguidu ba kazu nee laos ema seluk, maibe Diana nia laen rasik ho naran Armindo Pinto. Vitima aprezenta kazu nee ba tribunal, ho razaun katak nia laen halo violensia hasoru nia bebeik.

Maibe kazu nee arguidu haktuir oinseluk. Armindo haktuir, problema hahu mósu bainhira vitima ho nia kolega sira halo rekreiu iha fatin Cristo Rei, ne’ebe konvida mós nia laen ba partisipa. Momentu ne’eba elementus GNR ida mak kous hela vitima no arguidu nia oan iha kondisaun lanu todan nia laran. Membru GNR ne’e atu hamonu sala-sala labarik ne’e. Hare kondisaun lanu ne’e, arguidu rasik hakilar ba GNR ne’e hodi hateten katak, ne’e nia oan, maske tempu nebaa, nia ferik oan rasik la esplika ba nia kolega sira katak, Armindo nee nia laen.

Hare Armindo hakilar ho hirus, entaun sira halai hodi mai iha polisia hodi hato’o keisa ne’e, no husi ne’e mak foin problema sira ne’e mósu hotu. Arguidu hanoin, tuir lolos problema ne’e la lori ba tribunal, tamba nia rasik sei iha kapasidade atu rezolve, maibe nufin nia fen (Polisia CSP) mak lakohi duni atu resolve, to’o lori ba tribunal.

“Kronolojia ba akontesimentu ne’e momentu iha Cristo Rei, hahalok GNR ne’ebe kous hau nia oan nee mak ladun diak ba labarik nia vida, tamba ne’e nudar aman ba labarik ne’e, hau tenke iha responsabilidade hodi prevene hahalok GNR nian iha momentu nebaa. Tamba ne’e hau hakilar dehan, hei……… ne’e hau nia oan….., ho liafuan hirak ne’e mak nia lori hau ba tribunal ne’e,” konta tuir Arguidu Armindo Pinto nudar mós laen husi Membru Polisia CSP, Neves ne’e, ba STL iha nia fatin Kampung Tuti, Segunda (08/08).

Nia haktuir, nia parte konsege lee jornal iha edisaun Timor Post (21/07/2011) ne’ebe hateten katak komete violensia domestika, tamba ne’e nia parte hakarak hateten katak, hahalok ne’ebe akontese iha uma laran, ne’ebe dala barak akontese mós ba ema hotu, laós nia parte mesak mak akontese hanesan ne’e.

Iha parte seluk mós, edisaun STL ( 02/08 ) ne’ebe hateten mós katak deskonfia selingkuh, ida ne’e nia parte nudar laen hakarak hateten katak kuandu koalia selingkuh, ema hotu ne’ebe mak nudar laen sempre iha, tamba wainhira nia sente buat ruma laloos sempre deskonfia entre fen ho laen.

Tamba tuir nia, husi deskonfia hirak ne’e sempre fo hateten ba malu, hodi hametin vida familia nian, ne’ebe ba oin no ba futuru labarik sira nian.

“Se wainhira ita koalia krime iha uma laran, pasti ada sebab dan akibatnya, tan ne’e se hau hanesan vida sivil ida, hau sei lalori ba tribunal, tan hau sente moe, ho hau nia hahalok ne’ebe akontese wainhira hau tur hodi lembra hau nia jeitu sira ne’e, tamba ne’e saida mak hau halo no saida mak hau hanoin razaun ne’ebe ke hau hasae ne’e pergunta boot atu nune’e tenke estuda,” katak nia.

Maibe tuir nia, tamba monu ba nia fen (Diana Neves) ne’ebe membru Polisia CSP nia laran, mak buat ne’ebe lolos publiku labele hatene, maibe ohin loron frakeza ne’ebe fen laen halo ne’ebe loos ka lae tenke tau ba publiku.

“Apakah ida ne’e matenek husi hau nia fen nian ka iha ema ruma mak iha interese ruma hodi harahun familia ne’e, no hakarak hetan mós benefisiu husi familia ida ne’e hotu,” nia kestiona.

Nudar laen, nia parte sei la hakfodak ho atetude hirak ne’ebe nia fen nudar Membru CSP halo ba nia, tantu atu lori ba tribunal ou ba ne’ebe deit, nia parte prontu atu hasoru.

“Se deit mak iha kotuk hodi dudu problema ne’e, hau rasik prontu hasoru tuir faktus no realidade ne’ebe akontese,” nia realsa.

Tuir nia, nia parte hatene, hatene katak tuir lolos problema ne’e la serve atu lori ba tribunal, tamba nia parte nudar membru polisia ne’ebe hatene loos modelu lei no hirarkia instituisaun PNTL nian, ne’ebe to’o agora sem lori ema ida ba tribunal maibe ne’e hanesan pela primeira ves ba nia moris, no nia rasik konsidera foin asiste kazu privadu liga ba instituisaun PNTL nia laran, hodi haboot problema ne’e, tamba nia nudar membru PNTL iha Corpu Siguransa Pessoal nian.

“Se koalia konaba kapasidade ou interpretasaun atu hatene motivu problema ne’ebe ne’ebe akontese liu ona, hau hanoin polisia professional liu atu detekta no rezolve hodi hetan solusaun problema hirak ne’ebe mósu iha uma laran. Tamba ne’e hau husu ba hau nia fen nudar membru PNTL atu estuda didiak kronolojia problema ne’e oinsa, atu nune’e bele netraliza fali hanoin aat ne’ebe iha nia ulun hodi estraga naran PNTL nian, no kargu instrituisaun nian ne’ebe durante ne’e nia iha, tamba polisia presiza fo ezemplu diak ba ema hotu, tantu iha liur no iha uma laran,” Armindo husu.

Nia mós husu dala ida tan, para tenke mengintrospeksi diri, tamba iha publiku nia nega dehan arguidu mak sala, maibe pratikamente ema balun sente hamnasa wainhira hare no lee notisia ne’ebe publika iha loron hirak liu ba, tamba hahalok mak la hatudu relasaun ho problema ne’ebe publika ona.

Membru Polisia husi Unidade Corpu Siguransa Pesoal (CSP), Diana Neves lori Arguidu Armindo Pinto ba Tribunal hodi prosesa tuir lie tamba deskonfia katak selingkuh.

Tribunal Distrital Dili, iha Sesta (29/07) seman hirak liu ba, halo julgamentu ba kazu ne’e, ne’ebe akontese iha tinan 2010 tinan liu ba, ne’ebe hafoin iha tinan 2011 mak foin halo prosesa ba kazu ne’e.

Momentu iha Area Branca, Faustina Saldanha nudar sasin ba Diana Newes, fo deklarasaun iha Tribunal katak, nia parte lahatene konaba akontesimentu iha Area Branca ne’e, tamba derepente deit sira bubar.

Ho kazu sira ne’e, MP husu ba tribunal atu tetu didiak faktus ne’ebe mak produs ona iha tribunal hodi fo pena tuir artigu 159 konaba maustradus.

Husi parte defeza mós kontra ho razaun katak, kazu ne’e hanesan kazu violasaun domestika simples ida ne’ebe la rezulta kondisaun grave ba lezada, tamba ne’e husu ba tribunal atu fo deit pena suspensaun nune’e fo fatin ba arguidu atu buka sustenta nia oan nain rua.

Kazu ne’e rasik rejistu iha tribunal ho numeru prosesu 45/C.ord/TDD/2011 ne’ebe kaer husi Juis Kolektivu João Ribeiro, Duarte Tilman, no Alvaro Maia Freitas, akompainha husi Prokuradora Remizia Freitas no Defensor Fernando Carvalho. pri

STL
Sesta, 12 Agustu 2011
Posting Husi : Josefa Parada
Kategoria : Notisias Nacional

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS