Radio, online – Sosiedade Sivil ne’ebe hari iha 1997, hare liu ba feto nia moris no aktividades feto nian, Forum Komunikasi Untuk Perempuan Timor Lorosa’e (Fokupers), halao programa kapasitasaun ba grupo feto area rural, hanesan Distritu Liquica, Bobonaro no Kovalima.
Programa hakbi’it ne’e halao durante loron lima (8-12 Agustu) ne’ebe halao iha DistritoLiquica Vila tema “Treinamentu Organiza Baze”. Iha grupo feto Walu (8) mak partisipante iha eventu ne’e, total ema hamutuk nain tolu nolu.
Iha abertura ba prtograma hakbi’t ne’e, Diretora ezekutiva Fokupers Maria Barreto hateten, objetivu jeral husi treinamentu ne’e atu bele hakbi’it grupu feto iha area rural hodi sai parseiru ida ne’ebe forti.
Liu husi organizaan, bele lidera, foti dezisaun no sai ponte atu ajuda feto maluk seluk ne’ebe vulneravel liu. Alede ne’e mos fo hanoin ba malu husi grupo feto distritu 3 ne’e oinsa grupu hirak ne’ebe iha ona hodi buras liu tan, iha ispiritu solidariedade, umanidade, transparansia, komitmentu, iha responsabilidade no sensivel ba asuntu jeneru.
“Ami tenki nafatin lao ba baze hodi fo hanoin ba grupo feto sira hodi halao aktividades no kontinua foti problemas feto nian hodi entidade hotu fo atensaun ba kondisaun feto iha nasaun ne’e,”nia komenta.
Maria afirma Komisaun organizadora, ne’e rasik bele servisu hamutuk ho grupu feto sira hidi buka dalan atu kore-an husi konstrusaun sosial. Problema balu ne’ebe haterik feto nia dalan atu dezenvolve an. Liu husi programa ne’e hamutuk ho grupu hodi identifika problemas, rekursu naturais, iha inisiativa rasik no halo grupu sai forti no organizado.
Ba Radioliberdadedili online Administrador Distritu Liquisa Domingos da Concensaun do Santos haktuir, treinamentu ne’e atu kapasita feto sira atu hamrik indenpendentikamente iha sosiedade, iha see iha problema mak grupo feto hasoru, bele rezolve ho dalan tuir regulamentu interna nian.
Administrador Liquica ne’e afirma liu tan katak, teinamentu ida ne’e sai persektiva atu iha koinesementu klean liutan ba aktividade Fokupers em jeral.
“Hau fiar katak, liu husi formasaun ne’e bele iha mudansa hanoin ba grupo feto sira iha distritu atu bele halao aktividades feto nian iha distritu ho diak liutan,’nia apresia.
Entertantu Regina De Fatima Gonsalves hanesan estudante Universidade Nasional Timor Lorosa’e (UNTL) ne’ebe partisipa iha treinamentu ne’e nia rasik sente kontente tebes ho programa Fokupers ne’e, tamba treinamentu ne’e atu kapasita inan feto sira atu bele hatene los kona ba jeneru. Regina prezensa iha Distritu Liquisa hanesan estajiu ou KKN ne’ebe koloka husi UNTL ba tinan ne’e.
“ida ne’e hanesa dalan importante mai ami estudante sira atu hare kbi’it feto iha distritu,tanba feto barak mak seidauk aktivu lolos ba prosesu dezenvolvimentu. Ho aktividades husi Fokupers ne’e sadik feto rural no ami estudante atu haka’as an,” nia akresenta.
http://www.radioliberdadedili.com
Sem comentários:
Enviar um comentário