quinta-feira, 24 de março de 2011

Horta Dudu Feto Kandidata A’an Ba PR

Suara Timor Lorosae/ Tersa, 15 Marsu 2011

DILI – Prezidenti Republika, Jose Ramos Horta enkoraja feto Timor atu kandida a’an iha eleisaun prezidensial 2012. Xefi estadu fo korajen ne’e, bainhira hasoru malu ho Program Manager Organizasaun Caucus Feto iha Politika, Paula Corte Real iha Palasiu Prezidente Nicolau Lobato, Segunda (14/3), hodi koalia kona ba partisipasaun feto iha vida politika.

Paula haktuir, iha soru mu tuk, PR Horta husu ba orga nizasaun ne’e atu suporta nafatin feto maluk sira hodi bele avansa ba oin. PR Horta mos rekoinese katak partisipasaun feto iha vida politika menus tebes, inklui feto nia partisipasaun iha partidu politikus rasik. Ne’eduni, presiza fo formasaun hodi aumenta kualidade feto nian.

Resposta ba atensaun PR Horta nian, Paula promete atu fo nafatin korajen ba lider feto sira ne’ebe prontu atu hakat ba kan¬didatura eleisaun prezi densial.

“Ami fo nafatin korajen ba ami nia lider feto sira ne’ebe prontu mos iha hanoin atu bele tama iha kandidatura ba eleisaun prezidensial, hanesan mos iha 2007, Sr. Lucia Lobato partisipa iha kandidatura prezidensial,” Paula hateten.

Kona ba pessoa ne’ebe Caucus hanoin atu kandidata ba PR, Paula hatan, iha ema nai rua mak tama, maibe sira seidauk iha komunikasaun espesifiku ho ema sira ne’e. Tuir Caucus nia observasaun, ema nain rua ne’e prontu atu kompete iha eleisaun prezidensial. Cacucus rasik seidauk bele fo sai naran kandidatura, enkuantu seidauk halo komunikasaun espesifiku.

Paula hatutan, enkontru oras ida ho Prezidenti Republika ne’e, alende koalia kona ba preperasaun partisipasaun feto ba eleisaun 2012, sira mos husu ba PR Horta atu halo apelu ba feto maluk sira hodi fo korajen ba sira,atu partisipa iha eleisaun jeral.

“Ami husu Prezidenti atu halo nia apelu ruma atu bele fo korajen ba feto maluk sira hodi partisipa iha elisaun jeral. Tanba eleisaun 2007, partisipasaun feto nia persentajen bo’ot tebes. Ami hanoin katak iha 2012 labele menus fali, presiza aumenta ninia presentajen,” dehan Paula.

Paula esplika, tinan ida antes eleisaun, Caucus sempre halo formasaun ba feto maluk sira. Caucus halo kolaborasaun ho partidu politikus sira hotu, atu fo sira nia feto ne’ebe potensiais husi partidu hodi hatama sira iha lista kandidatura. Sira bele tuir formasaun ne’ebe Caucus prepara hodi fo informasaun, molok sira priense pozisaun ruma a hanesan iha Parlamentu no Governu. Formasaun ne’ebe Caucus fo maka hanesan lideransa transformative. Ida ne’e importante ba feto maluk sira, tanba bainhira feto ida sai lideransa, presiza halo tranformasaun, bainhira nia tur iha pozisaun ida, presiza halo mudansa ruma iha nia lideransa.

“Materia ne’ebe ami fo maka hanesan materia lideransa transformartiva ne’ebe inklui komunidade transformative no politika transformativa. Ami mos fo informasaun kona ba knar Parlamentu, oinsa ho nia komisoens sira, sira nia knar, depois sitema governu ne’e lao oin sa. Treinador laos husi Caucus, maibe Caucus servisu hamutuk ho peritus balu ne’e¬be bai-bain Caucus konvida sira atu fahe informasaun sira ne’e ba maluk potensial sira husi partidu no mos individu,” Paula hatutan.

Paula sublina, NGO Caucus hanesan NGO independente ida ne’ebe sai nudar membru husi Rede Feto.

Entretantu Akademiku Husi Universidade Nasional Timor Lorosa’e (UNTL), Jose Carval¬ho hanoin, partisipasaun feto ba kandidatura prezidente iha eleisaun 2012 tuir mai ne’e diak, bele dehan katak iha mundasa maka’as ba feto. “Maibe tuir hau, feto ne’ebe maka atu kandidata a’an ba PR ne’e, tenki iha persentajen diak no intelektual diak para bele dezenvolve nasaun ne’e,” Jose hanoin.

Lia fuan hanesan mai husi Arminda Fernandes Akademiku Universidade da Paz (UNPAZ) katak hanesan feto, nia suporta feto maluk ne’ebe maka atu kandidata a’an iha eleisaun prezidensial 2012 mai. Miabe ema ne’e tenki iha nasionalizmu no maturidade politika ne’ebe diak, atu lori Timor-Leste ba oin. Jin

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS