Loading...

quinta-feira, 17 de março de 2011

Fokupers: Violensia Domestika Mosu Tanba “Selingkuh” Mak Barak Liu

Written by CJITL InternshipsThursday, 17 March 2011 18:55

CJITL Feto, “Violensia domestika sai numeru ne’ebe a’as iha Timor-Leste, violensia domestika ne’e akontese barak entre fen ho laen, motivu kazu ne'e maioria tanba perselingkuhan no poligami”.

“Violensia domestika ne’e mosu tanba preselinkuhan no poligamia barak liu” dehan Direktora Fokupers Maria Barreto, Kuarta 16/3, iha nia servisu fatin Farol Dili.

Tuir dadus Fokupers nian katak violensia domestika maioria iha distrito Dili, maske kazu ne’e akontese hosi distrito sanulu resin tolu(13) nia laran.

Direktora Fokupers Maria Berreto hateten Iha feto barak mak sai vitima ba violensia domestika maibe sira tauk atu hato’o ka kolia buat ne’ebe mak sira hasoru kalan loron iha sira nia uma laran.

Nia hatutan katak violensia domestika sai hanesan numeru um iha Timor Leste, maske Governu atu prevene kazu ida ne’e hodi halo lei ne’ebe mak Prezidente Republika promulga ona,maibe kazu violensia domestika sei a'as nafatin.

“Lei ne’e implementa lolos ona hau espera katak violensia domestika sei bele menus, no sei redus ninia numeru” informa Maria Barreto

Nune’e mos Manager Yayasan HAK Rogerio Viegas Vicente katak tuir HAK nia hare oinsa atu halo prevenesaun ba kazu violensia domestika, HAK iha programa ida konaba asesu justisa ba feto, violensia kontra feto inklui mos violensia domestika.

“Lei kontra violensia domestika, lei ne’e laos atu halakon violensia domestika maibe bele minimiza ka hamenus violensia domestika” dehan Rogerio Viegas Vicente

Nia mensiona katak iha kazu violensia domestika ne maioria feto mak sai Vitima, HAK mos servisu hamutuk ho Polisia sira iha distritu hotu hodi foti dadus kona ba violensia domestika.

Tuir HAK nia hare agora dadaun violensia domestika menus oituan ona hare ba dadus ne’ebe HAK simu tinan- tinan husi distrito 13, iha tinan 2008 ( 832), tinan 2009 (333) tinan 2010 (244) husi kazu violensia domestika sira ne’e, maioria Distrito Dili, Tinan 2011 HAK sedauk hetan kazu violensia domistika. (Sara Cristina, Olga Jose de Araujo, Grasilda Oliveira Santos/CJITL Internship)

1 comentário:

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS