Loading...

terça-feira, 19 de abril de 2011

DALIA LANSA CD "LIAFUAN"

"Liafuan" ita nia feton DALIA haburas no hariku Timor iha mundu muzika!

FHM, Dili - Primeiru album CD DALIA lansa foin-dadauk (4/4) iha Dili, Timor-Leste, i disponivel ona iha loja muzika besik iha imi nia fatin. Edisaun CD ho tema "Liafuan" ne'e projecto cooperativa husi Dalia Agostinho rasik nudar Lyric, ho composed by Dino Silva no Nickfingers Arrangements.

Dehan lori tempo naruk hodi to'o iha album launch ne'e. Kolen maibe haksolok ho rezultadu primeiru album ho tema prinsipal 'LIAFUAN'. "Words from the Heart" esplika DALIA nia hananu nebe komunika sentimentos ho baze ba realidade moris liu husi muzika nebe sai rasik husi nia laran (coração).

Tema Liafuan, Tamba sa, Doben... lian ho harmonia romantiku, maibe hanesan alternativa, bele aprecia mos kruzamentu ritmo ho background no inspirasaun Pop, Rock, Disco Dance, Reage, Kizomba, Jazz no Blues!

Tuir info FHM, 'CD DALIA' hetan resposta positiva husi publiku, konsidera alternativa ba muzika moderno, nune'e hodi harame no hariku tan kultura iha panorama muzika Timor Lorosae.

Maske artista nurak maibe ho espetativa bo'ot ba futuru. Produsaun CD (primeiro lansamentu) ne'e itoan de'it ho presu asesivel tuir kondisaun ekonomia iha merkadu Timor. Ba ne'e, DALIA aseita dehan "Just happy and enjoying the moment, mesmo fa'an 1 dolar de'it mos laiha buat ida".

Sucesso hahu husi ne'e, husi ki'ik, nene'ik maibe continua nafatin. Esperansa nebe DALIA garante katak sei continua nafatin ho projecto ne'e to'o hetan fatin iha mundu muzika no conquista (ainda mais) publiku. Tan ne'e, DALIA nia projecto tuir mai iha tempo badak sei halo video Clip. Planu rua ne'e (CD uluk no tuir mai VCD) sei promove to'o iha Australia, Irlanda no Portugal. Iha Portugal, fatin nebe mak DALIA hahu kanta, sei promove iha Radio Comercial no Cidade FM, hodi tutan "Liafuan", liuliu, ba comunidade timoroan sira iha rai Camões. Iha Dili, radio sira haklaken ona DALIA nia "love and life feelings" ba publiku husi Dili ba Jaco to'o Ambeno, ba Oekussi to'o Atauro.

Nurak, maibe naran DALIA promete sucesso. Nia komesa ku'u dadauk ona fuan iha mundu muzika. Primeiro album iha ona istoria para atu konta: "Iha loron ida..."!

Boa sorte DALIA!

FHM, 8 Marsu 2011

)> http://www.forum-haksesuk.blogspot.com/

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS