Loading...

sexta-feira, 17 de dezembro de 2010

Kombate violensia Domestika

Kin. Dezembru 16, 08:55h

Lei Kontra Violénsia Doméstika elabora durante tinan ualu nia laran. Ida ne’e hanesan konkista ida ne’ebé alkansada iha fulan Juñu tinan ida ne’e nian liuliu ba feto no labarik timoroan sira. Ezisténsia Lei ida ne’e nian fundamentál iha Timor-Leste, liuliu haree ba númeru ne’ebé aas kona-ba kazu feto sira ne’ebé sai hanesan vítima violénsia doméstika nian ne’ebé tinan tinan anutoridade sira rejista.

“Lei ida ne’e fó benefísiu ba vitima sira violénsia doméstika nian, no haraik ba sira protesaun legál. Lei ne’e lori tempu barak atu hetan promulgasaun husi Prezidente Repúblika, no agora, iha fulan ablu nia laran, ita iha ona posibilidade atu dezenvolve mekanizmu atu bele tulun, liuliu feto no labarik sira – iha mós kazu violénsia doméstika kontra mane, maibé la barak.” Xefe Departamentu Formasaun no Edukasaun SEPI nian salienta. Molok Lei ne’e iha, vítima violénsia doméstika sira hetan tulun husi asosiasaun no organizasaun hirak ne’ebé, to’o agora kontinua dezenvolve nafatin sira nia programa tanba problema sosiokulturál ida ne’e susar atu hetan solusaun. Maria Filomena Martins salienta katak ida ne’e hanesan knaar multi-ministeriál ida, ho responsabilidade boot, no sei lori tempu atu dezenvolve: “uluk liu, kompete ba Ministériu Solidadriedade Sosiál, nomós SEPI, atu implemta atividade sosializasaun no esplikasaun kona-ba lei ida ne’e ba Povu. Hafoin, Ministériu Edukasaun bele koloka kestaun diretitu umanu no komportamentnu síviku ne’e iha kurríkulu eskola nian atu alunu sira bele aprende sedu liu saida mak Lei Kontra Violénsai Domestika nian ne’e. Ikus liu, Ministériu Saúde no Ministériu Justisa internvein iha matéria ne’e, tanba sira mak sempre hetan kontaktu uluk ho vítima sira”.

Hanoin katak Lei Kontra Violénsia Doméstika nian hetan promulgasaun iha loron 21 fulan Juñu tinan ida ne’e nian no publika iha iha Jornál Repúblika iha loron hitu fulan Jullu. Sekretaria Estadu Promosaun Igualdade tradús ona testu sira Lei ne’e nian no Informasaun sira seluk kona-ba matéria ne’e atu bele komunika ho populasaun – oinsá Lei ne’e fó protesaun ba vítima sira ka oinsá sira bele iha asesu ba servisu atendimentu ba vítima sira. Lei prevee Ezisténsia servisu hirak ne’e nian. Iha ona sentru apoiu nian – Uma Mahon iha distritu haat, Dili, Kovalima, Oekusse Ambenu no Baukau. Iha distritu hirak ne’ebé sentru apoiu nian ne’e seidauk iha, ami tenke loke sentru simu vítima, tanba Lei prevee katak tenke iha senttru ida iha distritu ida”, Xefe Departamentu Edukasaun no Formasaun SEPI nian salienta hodi esplika mós kona-ba ninia funsionamentu: “vítima sira bele ba iha sentru hirak ne’e no bele komunika sira nia kazu. Iha ne’ebá sei halo rejistu no identifikasaun kona-ba graviade situasaun nian. hotu tiha, ami nia tékniku sira lori enkamiña kazu ne’e ba servisu atendimentnu vítima nian, ne’ebé bele polísia, ka Rede Referál, ne’ebé konstitui husi Organizasaun La’ós Governamentál tolu: Pradet, Fokupers no JSMP”.

Maske la iha dadus jerál no konkluzivu ida kona-ba númeru husi kazu violénsia doméstika, autoridade sira dedúz, tuir dadus ne’ebé espalla, ida ne’e reprezenta kazu hirak ne’ebé mosu barak liu Iha Timor-Leste. Tuir informasaun ne’ebé SEPI rekolla iha sentru apoiu nian sira, tinan ida ne’e, iha tinan ida ne’e iha kazu violénsia doméstika nian 49 ne’ebé denunsia to’o fulan Agostu ne’e nia rohan. Iha tinan kotuk, husi kazu 406 ne’ebé Rede Refrál rejista, 118 mak iha relasaun ho violénsia doméstika. Tuir Maria Filomena Martins, “sai hanesan valór ne’ebé aas liu. iha fatin daruak, mosu violénsia ho baze iha jéneru (ho númeru kazu insestu ne’ebé boot), ba dala tolu, violénsia kontra feto ho idade ki’ik”.

Fonte: timor-leste.gov.tl

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS