sábado, 11 de dezembro de 2010

Kombate dezempregu kona-ba feto

Ses. Dezembru 03, 16:27h

Númeru ema servisu la iha nian ne’ebé rejista iha Timor-Leste hamutuk rihun 20. Hatán ba situasaun ida ne’e, Governu, to’o agora, dezenvolve programa oioin ne’ebé, husi parte ida, fó kapasitasaun ne’ebé maka’as liután ba servisu na’in timoroan no, iha parte seluk mak promove empregu. Programa ida husi hirak seluk ne’ebé Governu Konstitusionál IV aposta mak kapasitasaun rekursu umanu. Iha programa oioin atu tulun estudante no traballadór sira – ho bolsa estudu, iha área oioin, ba timoran atu estuda iha rai li’ur ka kursu balu ne’ebé iha Timor-Leste de’it – ne’ebé ho objetivu atu kapasita otas foun sira ne’ebé afetadu liu husi dezempregu, nu’udar buat ne’ebé Maria Filomena Babo Martins, Xefe Departamentu Formasaun no Edukasauin dehan: “dezempregu afeta liuliu mak foin sa’e sira.

La iha dadus kona-ba jéneru – ami la hatene foin sa’e hira husi seksu feto ka mane ne’ebé halo parte iha estatístika dezempregadu nian – maibé ami hatene katak foin sa’e sira mak afetadu liu. Tuir ha’u nia haree feto sira mós afetadu tebes husi dezempregu, tanba taxa analfabetizmu nian ne’ebé aas”.

Programa alfabetizasaun nian, ne’ebé Ministériu Edusaun hala’o ona iha país tomak, kontribui hodi hamenus taxa ema ne’ebé la hatene lee no hakerek. Maria Filomena martins dehan katak ninia ezultadu ita bele haree ona, liuliu ida ne’ebé iha ligasaun ho feto sira:
  • “agora iha feto ne’ebé hatene ona asina sira nia naran. Ida ne’e hatudu katak sira bele, nu’udar ezemplu, simu pensaun ba ferik katuas, hodi asina sira nia naran iha surat tahan, la presiza ona haneha liman. No ida ne’e hanesan motivu ba orgullu no independénsia. Dala barak ona ami haree katak feto sira hakarak dezenvolve-an duni. Tanba ne’e SEPI iha programa Hakbiit Ekonomia Feto sira nian nomós programa te’in ne’ebé iha objetivu rua: ida mak hanorin feto sira téknika foun kona-ba te’in, no ida seluk (ida ne’ebé importante liu iha ne’e) mak dudu feto sira atu partisipa ho ativu iha servisu uma laran nian. Programa sira ne’e tulun feto sira atu hatene katak sira mós iha direitu hanesan ho mane sira”.
Fonte: http://timor-leste.gov.tl

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS