Loading...

terça-feira, 14 de julho de 2009

Manuel Carrascalão, adeus ba ema notável ida


KOMUNIKADU BA IMPRENSA

Díli, 13 Julhu 2009

Deklarasaun

Husi Porta-vóz IV Governu Konstitusionál Sekretáriu Estadu Konselhu Ministrus nian


Manuel Carrascalão, adeus ba ema notável ida


Ho laran triste tebes i saudades ne’ebé rohan laek mak Membrus Governu Timór-Leste tomak hakarak hato’o sira nia sentidas kondolênsias ba Manuel Carrascalão nia familiares ho amigus sira hotu.

Manuel carrascalão ema notável ka extraordináriu ida ne’ebé nunka hakiduk hodi defende nia ideais ka buat ne’ebé nia hanoin katak di’ak no loos liu, no mós luta maka’as tebes ba independênsia Povu Timór-nian. Papél boot ne’ebé nia hala’o durante prosesu Konsulta Populár ba Autudeterminasaun iha 1999, to’o nia oan rasik Manelito sai vítima, tanba milisias sira asalta nia uman, fatin ne’ebé Manuel Carrascalão simu no subar refujiadus timór-oan barak, sei halo timór-oan tomak hanoin nafatin nian.

Iha tinan sanulu-rein laran nia sai hanesan figura polítika boot no importante ida iha istória Timór-Leste, hodi konsege duni harí iha tempu okupasaun Indonézia, movimentu rezistênsia ida ne’ebé halibur kuaze forsas polítikas timór-oan tomak ne’ebé rejeita okupasaun. Ikus fali, iha ona 2001, nia troka Xanana Gusmão iha lideransa Konselhu Nasionál, órgaun lejislativu ida ne’ebé UNTAET mak harí.

Manuel Carrascalão ita hotu sei hanoin nafatin nin hanesan lutadór ba ideais liberdade, páz no dignidade nu’udar timór-oan.

Deskansa bá ho hakmatek. Ó nia moris tomak no lideransa polítika hanesan marku boot ida iha Istória Timór-Leste nian no fonte inspirasaun ba ita nia Povu.

Bele kontakta : Agio Pereira +670 723 0011; E-mail: agiopereira@cdm.gov.tl

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS