sexta-feira, 3 de dezembro de 2010

Fo Kbiit ba Feto Timor

Sekretaria Estadu Promosaun Igualdade dezenvolve hela programa fortalesimentu Ekonomia Feto nian ne’ebé ninia objetivu mak atu fó kbiit ba feto Timór sira, liuliu sira ne’ebé presiza liu.

Haree ba diferensa sosiál entre jéneru (feto no mane) ne’ebé boot tebes, liliu iha zona sira ne’ebé izoladu liu, SEPI kria “programa ida ne’e atu promove igualdade entre feto no mane, no atu feto sira mós bele partisipa ho ativu iha dezenvolvimentu nasaun nian“, Maria Filomena Babo Martins, Xefe Departamentu Formasaun no Edukasaun SEPI nian esplika hodi akrexenta:

“kestaun mak: oinsa mak feto sira bele kontribui ba dezenvolvimentu nasaun nian? No oinsá mak SEPI bele fó tulun se maioria feto sira hanesan feto doméstika de’it? Ami responde ba dúvida sira ne’e ho dezenvolvimentu programa Hakbiit Ekonomia Feto sira nian, ne’ebé sai hanesan dalan ida entre dalan barak seluk atu fo forsa no autonomia ba feto doméstika sira. Ami fo tulun osan no formasaun. Ho orientasaun ne’e, feto bele kontinua hala’o servisu doméstiku maibé, bele mós halo ativiade paralela ida ne’ebé bele fó ba nia autonomia ekonómika ida. bele iha servisu ida ne’ebé bele sustenta nia an rasik, no nia família”.

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS