Loading...

quarta-feira, 17 de março de 2010

SEPI fihir Dra. Milena Pires ba CEDAW iha Nova Iorque 2010

Dili - CJITL flash, Governu liu husi Sekretaria Estadu Promasaun Igualidade (SEPI) kandidata Milena Pires nu'udar feto Timor ne’ebe atu sai komisariu ba komite CEDAW iha Nova Yorke hodi reprezenta Timor Leste.

Liu husi konferensia imprensa SEPI, Idelta Maria Rodrigues, Tersa horseik hateten katak nasuan barak mak mos kontente ho feto Timor nia progresu maske foin ukun an.

“Hau vizita ba Estado Unidus iha relasaun ho progresu feto ne’ebe ita hetan iha Timor Leste, iha nasaun hot-hotu mos hato’o nia progresu, iha sesaun plenaria ne’ebe iha oportunidade ba Timor Leste”, Tenik Idelta Rodrigues.

Idelta mos haktuir tan katak kandidata Milena Pires ne’ebe aprezenta ba iha Konselhu Ministrus ONU hetan ona konkordansia husi kandidatu rasik maibe nia dehan persiza iha lobi ne’ebe maka’as ba nasaun Azia no Europa hodi nune’e bele hetan votus.

Relasiona ho asuntu ne’e SEPI husu ba Embasada Timor Leste iha Nova Iorke hodi badinas halo lobi ba embasador iha Azia para bele hetan aprosimasaun hodi fo votus ba kandidatu komite husi nasaun foun ne’e.

“Hau aprezenta kandidatu komite CEDAW, Milena Pires pronto atu sai komite CEDAW tamba ne’e ita presija esforsu makas atu lori prosesu ne’e ba oin, iha fulan Junhu agora komite CEDAW iha ONU halo ona votasaun ba kantidatu sira.

Iha vizita ne’e mos Idelta Rodrogues participa iha selebrasaun Loron Feto Mundial, 8 Marcu ne’ebe loke direitamente husi Sekertariu Jeral ONU, Bang Ki Mon. (Jessy/CJITL)

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS