quarta-feira, 23 de junho de 2010

Milena Pires Nia Futuru Sei Determina Iha Loron 28 Junhu

Written by Eva de Almeida
Tuesday, 22 June 2010

CJITL Flash, Milena Pires, Ativista Feto Timor Leste ne’ebe mos hanesan espoza ba Ministru Estranjeiru, Zacarias Albano prontu tiha ona atu defende direitor Feto Timor iha Nova Yorke bainhira nia hetan votus konfiansa husi membru ONU iha loron 28 Junhu semana oin.

Milena Pires, kandidatu uniku Timor Leste nian ba komisaria CEDAW (The Convention on the Elimination of All Forms of Discrimination against Women) ba Nova Yorke konfirma mos nia disponibilidade atu ba tur iha pozisaun ne’e se karik hetan fiar.

Milena Pires ba jornalista CJITL, Domingu Kalan iha Delta Nova hafoin jantar espesial ida ne’ebe organiza husi Sekretariu Estado Promosaun Igualidade hateten katak onra bo’ot ba nia atu hatutan sofrementu povu Timor Leste nian iha ONU liu liu feto nia direitu.

“Hanesan nasaun ne’ebe ki’ik no foin ukun an maibe bele ona mos atu kandidata sai hanesan komite CEDAW, Hau prontu atu halo knar ida ne’e se karik povu fo fiar mai hau” Milena Konfirma.

Timor Leste hetan suporta dadaun hosi nasaun balu hanesan, Australia, Afganistaun, Nova Zelandia, Portugal, Franca no Mosambique ne’ebe hatudu liu husi Jantar hamutuk Domingu kalan semana kotuk. (Eva/CJITL)

cjitl.org: Last Updated ( Tuesday, 22 June 2010 )

Sem comentários:

Enviar um comentário

counter for blogger
FETO-ALOLA FETO-ONU REDE-FETO FETO-EDUCA SAI-FETO FETO-JOVEM FETO-TIMOR FETO-LINKS